زاهي حواس

زاهى حواس

 معلومات شخصية
الميلاد 28 مايو 1947 (73 سنة)[1][2] 

دمياط 

مواطنة
مصر 

عضو في المعهد الألماني للآثار 
الحياة العملية
المدرسة الأم
جامعة بنسلفانيا
جامعة القاهره
جامعة اسكندريه 

شهادة جامعية دكتوراه[3] 

المهنة عالم إنسان،  وعالم آثار،  وأكاديمي،  وعالم مصريات،  وسياسى 

اللغات المحكية أو المكتوبة اليونان[4] 

موظف في جامعة كاليفورنيا (لوس انجليس) 

الجوائز
منحة فولبرايت


 نيشان الاستحقاق للجمهورية الإيطالية من رتبة قائد


 وسام الصليب الأعظم البيروفي لرهبانية الشمس


 نيشان الفنون والآداب من رتبة قائد 



زاهي حواس حاول يحسس المصريين بأهمية تاريخ مصر.
زاهي حواس اتولد فى قرية العبيديه جنب دمياط فى فى شمال مصر فى 28 مايو 1947 . بيعتبر اشهر الاثريين المصريين المعاصرين و بيحظى بتقدير عالمي فى مجال علم الاجيبتولوجي ( المصرولوجيا ). حاول انه يحسس المصريين بأهمية تاريخ مصر و بأمجادها القديمه و يحيى فى نفوسهم العزه و الفخر بتاريخ مصر و اثارها فى فتره مضلمه ضاع من كتير من المصريين فيها احساسهم القومى و صلتهم بتاريخ مصر و انتشرت فيها الجهالات و قلة الإهتمام بالعلم و النهضه.
زاهي حواس كان بيترأس المجلس المصرى الاعلى للأثار و بعد ثورة مصر سنة 2011 بقى وزير الدوله لشئون الاثار لغاية ما استقالت وزارة احمد شفيق فى 3 مارس 2011. وقت الثوره دى و بعدها اتنهبت و اتدمرت اثارات مصريه فأعلن انه هيسيب الشغل فى الاثار لإنه مبقاش قادر يحمى اثار مصر.
حياته
زاهي حواس فى بداية حياته كان ناوي يبقى محامي بس بعدين غير رأيه و درس فى قسم الاثار الرومانيه - اليونانيه فى كلية الاداب - جامعة اسكندرية - ، و بعد ما اخد البكالوريوس فى الاثار الرومانيه-اليونانيه ، عمل ديبلوما فى الاثار من جامعة القاهرة ، و خد منحه تعليميه فى امريكا فكمل كمل تعليمه العالى هناك ، وخد شهادة الدكتوراه من جامعة بنسيلفانيا سنة 1987 ، و من هناك بدأ يدرس و يحاضر فى جامعات كاليفورنيا و الجامعه الامريكيه فى القاهره . فى سنة 2002 اتعين امين عام للمجلس الاعلى للأثار فى مصر و لحد دلوقت هو فى المنصب ده.
الشهره

بدات شهرة زاهى حواس لما ظهر فى قناة ديسكفرى فى افلام تسجيليه عن مصر و المصريين القدام و كمان سجل حلقات عرضها التلفزيون الامريكي فى برنامج ( البحث عن الحقيقة)و اللى ناقش فيها مواضيع بتهم المشاهدين زى المومياوات و الاهرام و توت عنخ امون و كليوباترا و رمسيس التاني. اشتهر زاهى حواس ببرنيطة انديانا جونز اللى بيلبسها طول الوقت.
من اكتر المواضيع السخنة اللى دافع فيها عن تاريخ مصر هو موضوع مين اللى بنى اهرامات الجيزة و رد فيه بشكل علمى على اللى بيقولو ان اليهود هم اللى بنو الاهرامات و غيرهم اللى بيقولو ان سكان الفضاء هم اللى بنو الهرم او حتى سكان اتلانتس.
فى سنة 1990 اكتشف زاهى حواس اهم اكشافاته الاثرية: المقابر بتاعة العمال المصريين اللى بنو الاهرام [1] فى سنة 2007 اعلن الدكتور حواس عن اكتشاف مقبرة حتبشوت فى وادي الملوك فى الاقصر و اللى اتوصف بانه واحد من اهم الاكتشفات الاثرية فى المية سنة اللى فاتوا. الدكتور زاهي الف كتب كتيرة فى مجال علم المصريات و العلم الاثار.
الجوايز
• وسام العلوم و الفنون من الدرجة الاولى استلمه سنة 1998 من الرئيس حسنى مبارك
• سنة 2006 اختارته مجلة التايم كواحد من اهم 100 شخصية مؤثرة فى العالم
• فبراير 2005 : الدكتوراه الفخرية من الجامعة الامريكية فى الفاهرة
• اسمه اتكتب على السي دي اللى اتبعت لكوكب المريخ فى رحلة الاستكشاف سنة 2003.
النقد
الدكتور حواس بيتوجه له نقد كتير من بره مصر و من جواها.
• فى الغرب فى علما بيتهموه باحتكار عمليات التدوير عن الاثار فى مصر حيث إنه منع بعثات اجنبية كتيرة من الوصول للمواقع الاثرية بحجة انهم ( هواه ) اكتر من كونهم اكاديميين.
• فيه ناس بتقول انه بينسب اكتشافات العلما المبتدئين لنفسه و بياخد هو كل الاهتمام و الشهره.
• اصحاب نظرية ان الفراعنة كانو من الجنس الاسود(الزنوج) بيتهموه بانه عنصري و بيشوه تاريخ مصر لانه بينفي ان المصريين القدام كانو افارقه سودو بشكل عام الدكتور حواس بيتجاهل النتقدات دي و ما بيردش عيها غير بجملة انه بيعمل كل اللى ب يعمله دا علشان خاطر مصر و بس
الهوية المصرية
زاهى حواس كتب مقالة بعنوان ( توت عنخ امون ما كنش اسود) و صرح فيها تصريح فى غاية الاهمية دا نصه ( المصريين ما هماش عرب و كمان ما هماش افارقة على الرغم من وقوع مصر حغرافيا فى قارة افريقيا )[2]. و بكدا بيكون لخص وجهة نظرة فى موضوع هوية مصر.